Dende a rede de dereitos sociais sacamos á luz o mapa crítico de Galiza 2012, un traballo colaborativo de denuncia e oposición á destrucción do País.
Clicando sobre a imaxe adxunta teredes acceso ao pdf.
Mirade, compartide e difundide.
#29Mcoruna
«Nin reforma laboral nin precariedade social»
#PiqueteFolgaSocial
..veciñxs, migrantes, precarixs, estudantes.. …
23:30 en ATENTO
11:00 Central de NovaGaliciaBanco
14:00 Obelisco (xantar colectivo-trae o teu bocata) 16:00 * Asamblea aberta
* Piquete
dereito a vivenda, educación e sanidade públicas, contra o pago da débeda
ilexítima, por unha fiscalidade redistributiva, contra a destrucción do
público, contra o expolio do común #29Mcoruna #folgasocial
«O medo nunca conquistou dereitos. #29Mcoruna #folgasocial»
ciclo de debates
retomar o publico, defender o comun
dereitos e lingua
organizan
Rede Robin Hood
Rede de Dereitos Sociais http://rede.blogaliza.org/
Nomepisesofreghao http://nomepisesofreghao.blogaliza.org/
Zoopolitik http://www.zoopolitik.com/
Taibo falou do movimento 15M dentro do ciclo de charlas «Retomar o público, defender o comum» que se está a levar a cabo em Corunha, organizado pola rede Robin Hood.
fonte: galizacontrainfo
Convocamos, o próximo xoves 22 de decembro ao encontro/debate con Carlos
Taibo baixo o título ‘Da indignación ao contrapoder?’ dentro do marco do
ciclo de debates, «Retomar o público, defender o común».
Da indignación ao contrapoder?
Palestra con Carlos Taibo
Xoves 22 de Decembro de 2011
20.30 horas
Galería Sargadelos, Rúa Real 56, A Coruña
Convoca:
Rede Robin Hood
Rede de Dereitos Sociais
Nomepisesofreghaoindignación
Zoopolitik
::Ciclo de debates::
«Retomar o público, defender o común»
Conferencia/Encontro
Santiago Alba Rico
Mércores 26, 20:00
Galería Sargadelos, A Coruña.
Rúa Real nº 56
«As primaveras árabes como disparador»
‘Sociedades civis esixindo democracia’
Organiza:
BDS Galiza [www.bds-galiza.org]
FugaEmRede [www.fugaemrede.info]
Rede Robin Hood
ADEGA-Coruña organiza a primeira travesía en piragua pola ría do Burgo para reclamar a súa completa rexeneración e revalorización como ben común da comarca. Será o próximo domingo 23 de outubro ás 12:00 horas, na zona do Paseo Marítimo do Burgo
O prazo de inscrición remata o vindeiro xoves 20 de outubro e podes inscribirte a través do correo electrónico: adegacorunha@adega.info ou ben chamando ao 696746862 e proporcionando o teu nome completo e DNI/NIF
mais info na paxina de adega
Quen pagará a factura de NCG? Nacionalización (e devaluación) nun 93%, directivos con retribucións millonarias, silencios elocuentes, antigos xestores en paradeiro descoñecido…
Atopamos a un deles! Semella experimentar arrepentimento. Jose Luis Mendez, (exdirector de Caixa Galicia) desfaise dos seus excedentes. Estas
son as súas palabras:
… «Queridos e queridas galegos e galegas. Por fin descubríchedes a miña sorpresa… Sí, realmente non quería quedar cos cartos que vos pertencen
para o meu uso privado senón recollelos, xuntalos e repartilos entre
todas vos. Este xoves é o día escollido… cada persoa que veña co seu
cazo recibirá cadansúa parte dos 12 millóns de euros que me levei.
Moitas grazas e non faltedes.»
Un dos popes da economía galega desfaise dos seus excedentes: máis de 12 millóns de euros a devolver a todxs xs galegxs.
O vindeiro xoves fundimos acción e retranca en homenaxe ás vacas sagradas
que nunca nos din adeus. Comeza a función!
Trae a túa cazerola, pode que che caia algo, senon… a facer ruido até que
caia!!!!
Xoves 13 de outubro.
20.00 horas
Praza de Lugo, A Coruña.
twitter: @RobinHoodOP
#OperaciónRobinHood
#oPorquiñoPoloQueVale!
A Rede de Dereitos Sociais apoia as manifestacións globais do 15 de
outubro en demanda dun novo modelo económico, político e social. Desde a
RDS entendemos central aprofundar as transicións desde abaixo cara a
modelos de autoxestión e autonomía que camiñen ao marxe dun sistema
representativo obsoleto e esclerotizado, unha economía financiarizada que
nos arroxa ao desastre e, en definitiva, dun modo de mando capitalista
depredador e demostradamente inxusto e ineficaz.
Na cidade d’A Coruña o ponto de saída da mobilización será a Praza de
Pontevedra, ás 18:00 horas. Acude e difunde.
Conquistar o Dereito á Cidade» un artigo desde a Rede de Dereitos Sociais para o especial de rehabilitación urbana da Revista Tempos Novos . Un breve analise das liñas forza do que sería unha proposta de rexeneración urbana en chave popular, partillada e colaborativa. Unhas notas sobre a problemática que descansa na concepción capitalista dos dereitos, sobre como recuperar o público e sobre como construir alternativas as cidades precarizadas.
Tamén en Altermundo
Documento elaborado polo profesor Xoan Doldán, que estivo con nós o pasado día 25 enunciando as posibeis formas para artellar modelos de economía sustentábel atendendo a unha realidade biológica e material -o cenit do petróleo- do presente e a un desexo colectivo de transformación -a superación do modo de producción capitalista.
Economia Ecolóxica_A Coruña_Maio2011
Palestra do ciclo _dereito á cidade_
http://dereitoacidade.blogaliza.org/
Economía ecolóxica e modelo productivo
Mércores 25 de maio, 20:30 horas
Lugar AVV Atochas Monte Alto (Campo de Marte) – A Coruña
organiza: rds [rede dereitos sociais] http://rede.blogaliza.org/
Con Xoán Ramón Doldán*
A economía ecolóxica defínese como a «ciencia da xestión da sustentabilidade» ou como o estudo e valoración da (in)sostenibilidad. Non é uhna rama da teoría económica, se non un campo de estudo transdisciplinar que permite afrontar mellor os problemas derivados do modelo productivo vixente, xa que o enfoque económico convencional non é adecuado .
A motivación central da economía ecolóxica é reconstruír o sistema económico de modo que a sustentabilidade sexa posíbel. A economía ecolóxica propón que a teoría económica integre o concepto de “throughput”, entendido como un fluxo de materia e enerxía sometido ás leis da termodinámica que comeza coa extracción dos ecosistemas de materia e enerxía de baixa entropía e alto potencial de traballo, continua coa súa transformación en bens de consumo, capital e servizos pola economía e finaliza coa introdución de desfeitos, materia e enerxía de alta entropía e baixo traballo, nos ecosistemas.
*Xoán Ramón Doldán é:
profesor de Economia Aplicada da USC
especialista en Economia Ecolóxica
ex-director do INEGA
activista ambientalista
experiencias e alianzas na cidade
Xornadas de xuntanza
Sen dúvida, estamos nun momento de impase, de cambio de ciclo. Os mecanismos de control e dominación do sistema capitalista están transformándose no marco global e semella que a escala cidade pode ser unha das máis acaídas para armar e rearticular respostas desde os movimentos sociais. Poren atopámos que ,desde os movimentos da cidade non acostumamos artellar momentos onde reflexionar e discutir colectivamente da memoria viva das nosas propias experiencias. Atopamos tamén, serias dificultades para superar o guetto e construir redes e tecer alianzas que sexan quen de mostrarse como forzas constituintes, como actores sociais de referencia na cidade. Somos conscientes que a nosa vontade de articulación é necesariamente proporcional a nosa capacidade de influencia. De aí este chamado da RDS e de Nomepisesofreghao ao debate e a discusión colectiva, de aí este chamado a ‘repensar o movemento’.
Venres 27
20:00
Patio Maravillas http://defiendelo.patiomaravillas.net/
Iván Miró (Assemblea de Barri de Sants) http://abs.sants.org
Sábado 28
10:30: 1_Territorio/medioambiente.
12:30: 2_Modelo organizativo.
14:30 xantar
16:00: 3_ Produción cultural.
18:00: 4_ Acción na cidade.
As xornadas terán lugar no CS Atreu! (travesía San Xosé 2 baixo)
Organiza:
Rede Dereitos Sociais
Nomepisesofreghao http://www.nomepisesofreghao.blogaliza.org
Desde a RDS achegamos este texto de analise das formas autónomas de organización do compañeiro Jordi Bonet. Sirva como unha introducción ao debate das xornadas ‘Repensar o Movimento’ que terán lugar organizadas pola RDS a fin de semana do 27/28 de maio.
Jordi Bonet_Pensar a organización dende a Autonomia
Xoves 5 de Maio no Patachim ás 23:00h
No marco das «Quintas electrónicas» do Patachim
>Fake Robotike8Z8
minimal www.myspace.com/8z8
>Txarlie NG Dj
ragga*jungle
+visuais
A rede Galiza Non Se Vende convídavos a participar na manifestación que se celebrará o próximo 8 de maio en Compostela, as 12 na Alameda. Os 60 colectivos que a forman continúan a diario a loitar, resistir, traballar, arelar, formular, construír, informar, concienciar a favor da nosa terra e na procura de dignidade e equidade. Vente expresar con nós por unha Galiza mellor.
CONTRA O SAQUEO SOCIOAMBIENTAL DA NOSA TERRA!!!
* Haberá concerto as 17 horas na Sala Nasa con Berrobambán, Guintervan e GalegoZ
Por unha utilización racional dos recursos naturais
Pola protección do patrimonio natural e histórico
Por unhas rías limpas
Por uns ríos vivos
Pola defensa da nosa soberanía alimentaria
Por un litoral público e natural
Por un urbanismo integrado na natureza e na nosa cultura
Por uns montes ben xestionados
Pola participación da cidadanía na xestión do noso
Por unha xustiza incorruptible
Polo respecto ás outras especies e a protección real da natureza
Por un transporte colectivo eficaz
Por unhas alternativas enerxéticas públicas e conscientes
Por unha xestión responsable dos residuos
Polo fortalecemento do rural e a economía social na Galiza
VENTE EXPRESAR CON NÓS
…ante intento de construir a marca Coruña, como cidade Centro Comercial, ante a insensata apertura do monstro Marineda City a RDS lanza este manifesto…
13 pasos que destrúen a cidade
1. Especulación:
A apertura de grandes superficies comerciais ten suscitado operacións de especulación inmobiliaria do solo. É habitual que a aparición dun centro comercial estea precedida de operacións de compra-venta de terreos ou bens inmobles coa intención especulativa de revendelos posteriormente.
2. Corrupción:
Estes procesos de especulación inmobiliaria veñen acompañados de posibilidades para a corrupción urbanística e o abuso de poder por parte de cargos e funcionarios públicos que, ligados á iniciativa privada de grandes grupos económicos aproveitan a falta de planificación urbana e a ambivalencia das normativas para o enriquecemento privado. A pouca transparencia destas prácticas suxire indicios de filtracións de información privilexiada desde as administracións públicas cara aos lobbies económicos da construción e a xestión comercial a grande escala.
3. Malversación:
Só mediante un investimento inadecuado de caudais públicos pódese dotar a estas iniciativas privadas das infraestruturas que precisan para a súa actividade. A grande cantidade de fondos públicos empregados en dotar de infraestruturas e servizos ás grandes superficies comerciais de beneficio privado chocan claramente coa concepción da inversión realmente pública.
4. Economía deslocalizada:
Lonxe de xerar riqueza local, os fluxos económicos das grandes superficies comerciais son un claro exemplo da nocividade do mercado globalizado; empresas de tributación desequilibrada que non crean riqueza localmente. Grandes superficies que capitanean a economía neoliberal concentrando a riqueza nunha sorte de novas elites locais e destruíndo o tecido económico consolidado da cidade.
5. Destrución do pequeno comercio:
As grandes superficies comerciais imposibilitan a pervivencia dos tecidos de pequena produción e consumo, agrandando as dificultades que o pequeno comercio ten para a súa supervivencia nos barrios. Debilitan as redes de economía doméstica e destrúen os mercados locais, funcionando como auténticas apisoadoras monopolistas. As grandes superficies comerciais empregan técnicas abusivas para eliminar o tecido de pequeno comercio de proximidade.
6. Precariedade laboral:
As grandes superficies comerciais son espazos onde o traballo precario adquire un carácter hexemónico. Contratos lixo, horarios abusivos, salarios de moi baixa cuantía, intermitencia e temporalidade na contratación, elevadas doses de presión laboral e risco nas condicións de saúde laboral, son algúns dos síntomas causados polo modo de
explotación que padecen as persoas que traballan nelas.
7. Consumo irresponsábel
O sistema de consumo potenciado polas grandes superficies comerciais dista moito da sustentabilidade económica, social ou medio-ambiental. Algúns indicadores que apoian a anterior reflexión poden ser: a baixa calidade e os deficientes sistemas de fabricación da maior parte dos produtos á venda; a desequilibrada e inxusta relación económica entre o produtor os intermediarios e o vendedor final; o déficit ecolóxico dos procesos de fabricación; a prevalencia das grandes marcas; etc…
8. Homoxeneización:
O tipo de ocio e consumo preponderante nas grandes áreas comerciais estandariza as influencias e os gustos culturais, impoñendo cánones estéticos a toda a cidadanía e eliminando a diversidade. Unha homoxeneización favorecida pola concentración nestas grandes superficies comerciais de empresas multinacionais que aplican patróns de produción e venta baseados nas formas e tendencias empresariais da cultura dominante.
9. Privatización da cidade:
En esencia o espazo público é aquel que se goberna de maneira pública. Converter os lugares de relación comunitaria, de natureza pública, en espazos de xestión e control privado, limita o desenvolvemento comunitario ao tempo que empobrece a vitalidade da cidade. A heteroxeneidade na composición e uso da cidade é un dos grandes valores no análise da súa riqueza, xa que potencia a solidariedade entre as persoas e o desenvolvemento de valores de xustiza social. Dita heteroxeneidade desaparece en espazos privados, onde se impón o dereito de admisión reservado.
10. Segregación:
As grandes superficies comerciais son espazos privados entregados a políticas de control que levan implicita a exclusión de determinadas capas da poboación. Migrantes sen papeis e persoas en situación de exclusión social son sistematicamente seguidas e perseguidas, cando non expulsadas destes centros de consumo e privatización do ocio.
11. Xentrificación:
A planificación e apertura dunha grande superficie comercial ven acompañada dun proceso de transformación urbana e social no que a poboación orixinal dunha veciñanza ou barrio é progresivamente desprazada por outra de maior nivel adquisitivo rematando así cun tecido social consolidado a través dos anos e construíndo auténticas barreiras de fragmentación urbana.
12. Mobilidade:
As grandes superficies comerciais destrúen os equilibrios da cidade, impoñendo modelos de mobilidade dependentes do vehículo particular. A nova disposición urbana que determinan os centros comerciais, empeoran un modelo de saturación automobilística xa de por si desequilibrado .
13. Perda de urbanidade:
A zonificación de usos na cidade que supón o traslado da actividade comercial á súa periferia, conleva unha perda de vitalidade do espazo público tradicional. A riqueza das rúas vese mermada polo peche dos seus comercios, facendo do percorrido peonil das mesmas unha experiencia máis monótona e falta da tranquilidade que outorga o espazo habitado.
«Dende o punto de vista dos feitos urbanos, a construcción de cidades e territorios máis libres e habitables distingue ás sociedades que identificamos como avanzadas nos momentos históricos onde a conciencia cívica e o compromiso social se incorporaron nelas como impulsores da súa mellora social. Cando a sociedade é participe da transformación do lugar no que se desenrola é posíbel acadar un espazo de convivencia, se a construción da cidade e do territorio se deixa en mans duns poucos, e si estes usana para beneficio propio, o resultado é a desaparición da conciencia cívica e a destrución do tecido social, o que acaba por reflectirse no desorde territorial e na segregación urbana.
Falar hoxe da corrupción que arrodea aos procesos de construción do territorio é falar do fin do urbanismo, porque as regras que o lexitiman deixan de basearse na integración territorial e na mellora da habitabilidade. Por iso, reflexións coma esta de Xosé Allegue son importantes para achegarnos ás causas dos trocos que estamos a vivir, e escomezar a pensar en propostas de rexeneración democrática que devolvan as cidades aos cidadáns.«
Reproducimos o video da conferencia do arquitecto e profesor Xosé Allegue, do pasado 15 de Marzal:
CORRUPCION e URBANISMO. Conferencia-parte1 from edicions espontaneas on Vimeo.
CORRUPCION e URBANISMO. Conferencia-Parte2 from edicions espontaneas on Vimeo.
CORRUPCION e URBANISMO. Conferencia-Parte3 from edicions espontaneas on Vimeo.
